Ek sal graag sien dat boere en navorsers besef dat ‘n kraamkrat is ‘n kraamkrat is ‘n kraamkrat. Dit maak min saak of die nuwe kraamkratte ‘n plekkie onder die voerbak vir die sog se kop het, of nie. Die feit bly staan dat sulke produksiemetodes verwag dat ‘n lewende, intelligente, emosionele dier wat met bene vir loop gebore is, moet lê of staan vir elke minuut, elke uur, elke maand, elke jaar van haar hele lewe – sonder om te kan omdraai of vorentoe of agtertoe te stap. Die foto wys dat die varkies van hierdie sôe geen omgewingsverryking beleef nie.

Daar is ‘n manier om beter lewensgehalte vir sôe en varkies te bied. Gaan asseblief na 
http://www.faifarms.co.uk/publications/P2.pdf
(fai = Food Animal Initiative) om te sien hoe navorsing die welsyn van diere in 'n kommersiële boerdery bevorder.

Ek verwys u ook na Compassion in World Farming se Good Agricultural Practice: Pigs wat gesien kan word by: http://www.ciwf.org.uk/resources/education/resources_for_students/pig_production.aspx

Asseblief, laat ons dit as ons etiese plig beskou om eerstens te dink aan die dier en daarna aan produktiwiteit.

Beste groete,

Louise van der Merwe
Suid Afrikaanse Verteenwoordiger: Compassion in World Farming